Esta fin de semana celebrouse en Ourense o Campionato Galego Máster de Verán, no que tivemos a mellor participación en varias tempadas. Representáronnos un total de doce deportistas que con moi bo nivel competitivo mantiveron o nome do Club Natación Arteixo nun bo lugar. Vinte e nove medallas, tres Récords Galegos e un premio ó nadador máis veterán, Ramón Folch, son un bo resumen da actuación deste grupo, que en total sumou un 10º posto na clasificación conxunta. Este Equipo Máster estase a  reafirmar no panorama galego desta categoría.

Ler máis

O nadador de categoría máster do Club Natación Arteixo, Iván Rubio acadou moi bos resultados esta fin de semana en Oviedo, onde viaxou para asistir ó Campionato de España de Fondo  Máster. Iván participou en dúas probas nas que destacou tanto polo resultado como pola regularidade do platexamento da carreira, algo tan importante en probas de fondo. Iván foi medalla de ouro na proba de 3000 e prata na de 1500 libre da súa categoría.

Noraboa Iván!!

Resultados

Este domigo celebrouse en Santiago, na Piscina de Santa Isabel, o Campionato Galego de Fondo Máster. O Club Natación Arteixo obtivo moi bos resultados cos tres nadadores que o representaban. Iván Rubio e Ramón Folch foron medalla de ouro das súas categorías, e Marcos del Río, na sesión de mañán foi ouro en 1500 libre. Marcos ademais acadou o Trofeo Gerardo Steudel á mellor marca do campionato. Como resultado total obtivemos o 4º posto por equipos da categoría masculina.

Iván Rubio acudirá nunhas semanas, ó Campionato de España de Fondo para participar nas probas de 3000 e 1500 libre.

Noraboa!!

Resultados

O Campionato de España Máster deixa no noso Club un sabor moi doce polos bos resultados dos seis participantes. Voltan con un total de cinco medallas e moitas MMP, e sobre todo con unha nova experiencia competitiva ás súas costas que lle aporta unha nova visión deste deporte.

Ler máis

Rematou o Campionato Galego Máster con unha gran actuación dos nove participantes do Club Natación Arteixo e unha moi boa organización por parte da Fegan e o Club Natación Ponteareas deste novo formato de campionato. Un total de 23 medallas individuais e unha moi celebrada en remuda sirven de introducción a esta noticia que ampliamos de seguido.

Ler máis

Marcos del Río participou esta fin de semana no Campionato de España de Augas Abertas na categoría máster. O evento celebrouse en Sevilla, no Río Guadalquivir, con moi boas condicións metereolóxicas. A auga estaba a 23,5º polo que a carreira celebrouse sen neopreno. Marcos nadou o sábado pola tarde a proba de 3000 metros. Empezou a proba saíndo bastante rápido e así encabezou a carreira durante todo o percorrido, loitando nun sprit final e acadando o 2º posto absoluto da proba e ouro da súa categoría con un tempo de 36:47.

Noraboa Marcos!!

unha medalla máis que sumar os teus éxitos deportivos desta tempada…

Resultados

Esta fin de semana celebrouse en Ourense o Campionato Galego Máster de Verán, no que tivemos unha pequena pero intensa participación. Representáronnos un total de cinco deportistas que con moita ilusión mantivero o nome do Club Natación Arteixo nun bo lugar. Doce medallas, cinco Récords Galegos do noso nadador máis veterán, Ramón Folch, e moita ilusión porque a tempada que ven esta categoría recupere os seus anos dourados respecto a número de participantes, porque eso ó final é o máis importante nun equipo, as mellores MEDALLAS.

Ler máis

Moi bos resultados no Campionato Galego de Fondo Máster para os dous participantes do Club Natación Arteixo. Ambos participaron na proba de 1500 libre, rematando os dous en primeiro lugar e bos resultados de marcas.

Iván Rubio foi medalla de ouro e récord galego en categoría +45 e Marcos del Río foi tamén medalla de ouro e récord galego en categoría +30. Podemos consultar as súas marcas e os resultados completos no enlace.

Noraboa Ivan e Marcos!!

Resultados