Onte celebrouse o último evento deportivo da tempada 25-26, o Campionato Galego de Augas Abertas, que fora aplazado por temas de sanidade. Tivo lugar na Praia de Areas, en Sanxenxo, con un clima espléndido e con temperatura da auga para uso de neopreno.

O Club Natación Arteixo estivo representado por catro nadador@s, Iván Rubio, que acadou medalla de ouro da categoría máster +50; Nerea Alvite que foi bronce máster +25; Carla Rodríguez, bronce da categoría Junior 1; e Alex Vicente, que acadou o 9º posto da mesma categoría.

Con esta nova damos vacacións a esta páxina web ata o 3 de setembro, que daremos comezo a unha nova e ilusionante tempada.

Noraboa e bo descanso a tod@s!!

Resultados

Onte domingo día 16 rematou o Campionato de Europa de natación que se celebrou en París dende o día 10. Paula Otero participou en dúas probas formando parte da selección española. En ambas probas nadou as series eliminatorias e acadando o posto 13º en 1500 libre e 15º en 400 libre.

Foi unha boa despedida desta tempada, na que Paula ven de compaxinar Augas Abertas e piscina con bos resultados nas dúas especialidades. Agora toca descansar para encarar con forza e ilusión a vindeira tempada.

Noraboa Paula!!

Este venres foi a xornada final do Campionato de Europa de Augas Abertas de París para Mateo García e Paula Otero, os nadadores do Club Natación Arteixo que asistiron formando parte da Selección Española. E foi unha gran sesión competitiva na que acadaron moi bos resultados, na proba de 3K KnockOut Sprint, na que Paula foi finalista acadando o 7º posto europeo, e Mateo foi 7º na semifinal, moi cerca de pasar á última ronda.

No resto das probas, o resultado máis salientable foi o de Paula que acadou o 11º posto en 5K. Mateo foi 17º en 10K e 23º en 5K. Todas as probas desputáronse a orillas da Torre Eiffel, no Río Sena, con unhas condicións climatolóxicas moi boas, corrente en contra na metade de cada volta, e con un gran nivel competitivo.

Paula Otero permanece en París á espera de que se inicie o Campionato de Europa de natación, no que participará nas probas de 400 e 1500 libre, da que daremos máis información.

Noraboa Paula e Mateo!!

Resultados

Este sábado 18 celebrouse en Ponteareas o seu xa tradicional Trofeo Amizade, o Club Natación Arteixo tivo a presencia de cinco deportistas que participaron en probas individuais e dúas remudas masculinas.

Voltan conun total de catro medallas individuais de Alba Gómez e Iago Guitián, dúas nas remudas de 4×50 libre e estilos e libre masculino, e algunhas MMP. Foi unha boa ocasión para competir en piscina de 25 neste final de tempada, e souberon aproveitala moi ben. Alba acadou o 3º posto da suma de puntos FINA en tres probas. Na clasificación por equipos acadamos o 7º posto, 5º masculino e 7º feminino.

Noraboa!!

ResultadosMedalleiro

Hoxe domingo día 19, o noso nadador de categoría infantil, Manuel Lema Simal participou no seu primeiro Campionato de España. Foi en Las Palmas de Gran Canaria, nas instalacións do Club Natación Metropole, con unha moi boa organización nun evento de 770 participantes.

Manu nadou a proba de 50 costas, na que mellorou moito a súa clasificación respecto ás listas de saída, acadando o 31º posto de 15 anos, acadando a súa MMP.

Volta con moi boas sensacións e con ilusión renovada para encarar con forza a vindeira tempada, na que pasará a ser de categoría junior e na que seguro lle esperan grandes éxitos deportivos.

Noraboa Manu!!

Resultados