Rematou o Campionato de España Open de Primavera, evento de gran nivel e moi importante para a natación absoluta, tanto pola esixencia do calendario competitivo coma pola calidade dos deportistas participantes. A nadadora do Club Natación Arteixo, Alba Gómez Mesías acadou o resultado máis salientable na proba de 200 libre, na que foi finalista.
A competición contou con 10 sesións, con eliminatorias, semifináis e fináis, e Alba participou nun total de cinco probas. Empezou o sábado nadando 100 libre, proba na que acadou o 7º posto en categoría Absoluta Moza. O domingo nadou a proba de 200 braza, quedou en 5º posto da súa categoría. O luns nadou dúas probas, 200 libre acadando posto de semifinalista mellorando a súa mellor marca persoal, e o 200 estilos (7º posto Absoluta Moza). Esa mesma tarde volveu a batir a MMP na semifinal de 200 libre, acadando un posto para participar na Final B, que se celebrou o martes pola tarde, xunto coa semifinal de 100 braza, praza que obtivo nadando en boa marca na sesión de mañán.
Alba rematou o seu campionato coa actitude que máis a define, competindo ata a última brazada nas dúas probas que se celebraron con 15 minutos de diferencia. No 200 libre acadou de novo a súa MMP, que deixa o récord do noso club nun tempo de 2.04.84, acadando o 5º posto da súa categoría e 12º na categoría Absoluta. Na proba de 100 braza, baixou a marca da sesión da mañán nadando cunha increible actitude e finalizando en 5º posto Absoluta Moza.
Noraboa Alba!!
