Esta semana celebrouse en Málaga o Campionato de España de Natación de categorías junior e absoluta. O Club Natación Arteixo acadou moi bos resultados dos seis deportistas cos que participaba. Doce MMP, sete récords de club, nove finais, e un nadador destacado, Mateo García Castro, que volta con tres medallas de ouro en categoría Junior, tres cuartos postos absolutos, dous récords galegos e dúas mellores marcas galegas de idade.
Paula acaba de rematar a súa actuación no Campionato do Mundo de Natación en Fukuoka, con bos resultados acadados. Na primeira proba que participou, na remuda de 4×1500 libre na modalidade de Augas Abertas acadaron o 8º posto con Paula coma última remudista, foi unha proba moi reñida e Paula peleou ata a última brazada.
En canto as probas de piscina acadou os postos 28º en 400 libre e 23º en 1500 libre. Paula ven esta tempada de facer un gran cambio na súa carreira deportiva, pasando a adestrar no CAR de Sant Cugat, Fukuoka foi un gran remate desta tempada, na que se adaptou perfectamente ás novidades do novo grupo, e do que seguro a tempada 23-24 traerá moitas máis alegrías para esta nadadora.
Rematou o Campionato Galego de verán de categorías junior e absoluto, con un gran éxito deportivo para todo o grupo de 20 deportistas que defenderon as cores do Club Natación Arteixo, e que deixan como resumen moitas MMP, 30 medallas (12 ouros, 5 pratas e 13 bronces), dous récords do Campionato de Mateo García, e postos moi destacados nas clasificacións por equipos, 2º posto conxunto en categoría junior e 4º en categoría absoluta.
Esta fin de semana o Equipo Infantil rematou a súa etapa competitiva desta tempada con un bo remate participando no seu Campionato Galego de verán. Obtivemos bos resultados, con moitas MMP, oito medallas e un gran traballo de motivación e ánimo de equipo.
Paula participou esta fin de semana coa selección española no 59º Sette Colli, na mítica piscina do Foro Itálico de Roma. Era unha expedición formada por 8 nadadores e 8 nadadoras, e será a última antes da gran cita do Campionato do Mundo de Fukuoka do vindeiro mes de xullo.
Están publicados os resultados da Copa Benxamín do grupo 17+, na que o noso equipo participou este sábado en Xove con un pequeno equipo de dous nadadores, Lucas Díaz e Manuel Lema; e dúas nadadoras, Lola Lareo e Lucía Prieto. Este pequeno grupo representou moi ben ó Club Natación Arteixo, a pesar de ser poucos non deixaron de animarse en ningún momento, cousa que seguro axudou a os catro que melloraron as súas marcas persoais en tódalas probas nas que participaron. Na clasificación acadamos o 6º posto.
Noraboa a este pequeno EQUIPAZO!!
Este sábado o Club Natación Arteixo tivo oportunidade de competir no Trofeo Pedro Escudero, que se celebrou na Piscina de Rosario Dueñas, de 50 metros, o que nos da experiencia competitiva importante para os vindeiros campionatos importantes a celebrar en Pontevedra e Ourense no mes de xullo, os Campionatos Galegos Infantil, Junior e Absoluto.
Tivemos boas marcas en xeral, bo ambiente de equipo, con un total de 25 participantes. Nas remudas, que foron mixtas, acadamos os postos 7º en 4×100 libre e 4º en 4×100 estilos. Obtivemos un total de dez medallas, 2 ouros, 4 pratas e 4 bronces. Os medallistas foron: Alba Gómez, Ana Veiga, Claudia Suárez, Eva Sánchez, Manuel Varela, Mateo García e Ricardo Díaz. A nadadora Alba Gómez, acadou o 3º premio por suma de puntos FINA.
Noraboa a tod@s!!
Este sábado celebrouse en Ponteareas o Campionato Galego de Augas Abertas, con unha participación de 10 deportistas do Club Natación Arteixo que participaban na proba de 5000 metros. Foi un éxito de organización, con un día bastante agradable aínda que anunciaban choiva. A temperatura da auga era de 16, 5º, polo que a proba fíxose con neopreno. O noso club acadou un total de cinco medallas, dous ouros, unha prata e dous bronces. Os medallistas foron: Ana Veiga, Nerea Pazos, Marcos del Río, Mateo García e Paula Rodríguez.
Noraboa atod@s!!
Están publicados os resultados da Toma de Tempos na que participamos en Riazor o sábado en sesión de tarde. Esta competición resultou moi productiva para acadar algunha mínima para participar nos Campionatos Galegos de verán e, sobre todo, para que moitos dos nosos nadador@s tiveran a ocasión de medir a súa mellora neste período final de tempada.
Marcos del Río participou esta fin de semana no Campionato de España de Augas Abertas na categoría máster. O evento celebrouse en Sevilla, no Río Guadalquivir, con moi boas condicións metereolóxicas. A auga estaba a 23,5º polo que a carreira celebrouse sen neopreno. Marcos nadou o sábado pola tarde a proba de 3000 metros. Empezou a proba saíndo bastante rápido e así encabezou a carreira durante todo o percorrido, loitando nun sprit final e acadando o 2º posto absoluto da proba e ouro da súa categoría con un tempo de 36:47.
Noraboa Marcos!!
unha medalla máis que sumar os teus éxitos deportivos desta tempada…
