Rematou o Campionato Galego Máster con unha boa actuación dos nove participantes do Club Natación Arteixo e unha moi boa organización por parte da Fegan e o Club Natación Ponteareas deste novo campionato de inverno. Un total de 15 medallas en probas individuais e un 4º e 5º posto nas dúas remudas que poidemos presentar son os resultados máis salientables que agora pasamos a especificar.
Esta fin de semana é o turno da primeira gran cita da tempada para o Equipo Máster, o Campionato Galego de Inverno. Este celebrarase en Ponteareas, en dúas sesións continuas de sábado e domingo, nas que o noso equipo tratará de dar o mellor para defender ó noso Club.
Asisten un total de 9 deportistas, tres chicas, Inés, Sara e Raquel; e seis chicos, Javi Carril, Javi Mella, Manuel, Olmo, Rubén e Ramón. Teremos presencia nun total de 33 probas individuais e catro remudas. Poderemos estar atent@s ós resultados na páxina da FEGAN e a través do streaming do club anfitrión.
Esta fin de semana o noso equipo alevín asiste en Ferrol, na Piscina Javier Gómez Noya, á 3ª xornada de Liga Territorial, será o sábado pola tarde e xa temos publicada a convocatoria. Tamén temos publicados, sentimos o retraso, os resultados da xornada anterior celebrada en San Amaro o 21 de decembro. A xornada constará das seguintes probas: 100 libre, 200 bolboreta, 50 costas, 800 libre, 200 braza, 200 estilos e remudas de 4×100 estilos.
Por outra banda, tres compoñentes do noso equipo benxamín asistirán tamén a tarde do sábado, a unha xornada GES de adestramento conxunto, organizada pola FEGAN. Estes deportistas son, Pedro Aldao, Valeria Pan e Irene Ferro.
Ánimo e Sorte a tod@s!!
Acaba de rematar o Campionato Galego de Inverno en piscina de 25 metros de categoría absoluta, con bos resultados para todo o grupo de 20 deportistas que defenderon as cores do Club Natación Arteixo, e que deixan como resumen moitas MMP, 10 medallas (7 ouros, 2 pratas e 2 bronces), dous Récords Galegos de Mateo García, un Récord de Campionato de Alba Gómez, e un destacable 5º posto na clasificación conxunta.
Mañán comeza o Campionato Galego Absoluto de Inverno. Será en Santiago de Compostela, na Piscina de Santa Isabel, en 3 xornadas de eliminatorias pola mañán e finais pola tarde, de venres a domingo. O noso equipo estará representado por 11 nadadoras e 9 nadadores, que asisten a nadar un total de 64 probas individuais e tódalas remudas do campionato. Todo o seu ánimo e o seu esforzo estará dirixido a deixar o máis alto posible o listón do Club Natación Arteixo.
Podemos estar atent@s ós resultados e ver a convocatoria premendo nos seguintes enlaces.
ConvocatoriasWeb do Campionato
Ademáis, o equipo anfitrion ten preparada unha web especial onde poderemos ver máis cousas relacionadas co evento:
Ánimo e sorte EQUIPO!!
Este sábado 21 de decembro, celébrase a 2ª xornada de Liga Alevín na coruñesa piscina de San Amaro. Será en sesión de tarde e participarán un total de 19 deportistas. As probas que se nadará son: 100 estilos, 200 libre, 100 bolboreta, 800 libre, 50 braza, 100 costas, e remudas de 4×200 libre masculina e feminina.
Prégase puntualidade e acudir debidamente uniformad@s.
Ánimo e Sorte Equipo!!
Publicamos os resultados das dúas competicións celebradas en San Amaro este sábado día 14 de decembro. Por unha banda, o equipo Benxamín participou na súa 2ª Xornada de Liga Benxamín, na que demostraron a súa mellora técnica e o seu avance como equipo de base tanto nadando como animando.. Só poidemos ter presencia en remudas de 4×50 libre feminina, acadando os postos 3º e 4º. A outra competición celebrouse a continuacion, e foi unha pequena toma de tempos, na que alguns nadadores e nadadoras tiveron ocasión de mellorar as súas marcas.
Noraboa a tod@s!!
Están publicados os resultados dos Trofeos de Carballo nos que o Club Natación Arteixo tivo presencia esta fin de semana. Tratábase do II Memorial Pedro Luis Fernández Pombo, un trofeo que acolleu o sábado ós nadadores de diversas categorías participando como absolutos, e o domingo ós equipos Máster.
Esta fin de semana vai ser do máis movida para o Club Natacion Arteixo. Participamos nun total de catro competicións das cales xa están publicadas as convocatorias. Empezamos pola 2ª xornada da Liga Benxamín, que se celebrará en San Amaro o sábado en sesión de tarde e á que acuden un total de 20 nadadores e nadadoras. A continuación haberá unha pequena toma de tempos na que participan catro deportistas. O mesmo día celébrase en Carballo o II Memorial Pedro Luis Fernández Pombo, esta competición será en sesións de mañán e tarde e acuden 24 nadador@s de diversas categorias. O mesmo trofeo, pero de categoria máster terá lugar o domingo pola mañán, onde o Natación Arteixo estará representado por catro deportistas desta categoria.
Ánimo e Sorte a tod@s!!
