Mañá xoves día 26 de febreiro comeza o Campionato de España Infantil e Junior de Inverno. O Club Natación Arteixo estará representado pola nadadora de categoría junior Alba Gómez Mesías que nadará nada mais e nada menos que seis probas.

O Campionato celébrase en Cádiz, cidade moi experimentada en celebrar este tipo de eventos, de feito Alba estreouse como nadadora de nivel nacional nesta piscina sendo alevín, no verán de 2012. Durará ata o domingo día 1 de marzo, en piscina de 50 metros e consta de sesións de eliminatorias e finais.

As probas nas que Alba acadou a mínima e participará son: xoves 400 estilos, venres 50 libre e 200 braza, sábado 200 libre e 100 braza e remata o domingo coa proba de 200 estilos.

¡¡Todo o Club Natación Arteixo deséxalle a Alba o mellor para esta importante competición!!

Para estar ó día dos resultados do Campionato premede no cartel: