O pasado martes 8 de decembro, unha gran parte dos nadadores e nadadoras do noso club participou no Trofeo Nadador Completo, organizado polo Club Natación Liceo. Os que non entraron na proba individual asistiron para nadar as remudas, así que foi posiblemente a convocatoria máis grande de toda a tempada, con deportistas dende junior ata promesas, o mellor da xornada. Iso e que acadamos o 3º posto na clasificación conxunta detrás do Liceo e do CN Coruña. Participaban tamén o Club del Mar, CN Vilagarcía, CN Culleredo, CN Arzúa e o CD Miraflores.
A nivel individual destacamos a rebaixa de marcas de moitos dos participantes, e a experiencia de nadar estas probas, sobre todo as categorías Promesa e Benxamín.
Os que se clasificaron para participar en tódalas probas (clasificábanse os 12 primeiros en crol) foron un total de 21, por orde de categoría: Catalina, Lola, Carmela, Anxo, Nicolás, Izan, Diego, Lorena, Mateo, Héctor, Nerea, Nicole, Alejandro, Nerea, Iván, Alba, Melina, Uxía, Estevo, César e Xián.
E finalmente 3 premiadas no conxunto das 4 probas: Alba 2º posto en categoría junior, Nerea Iglesias, 2º posto en Alevín e Carmela Lareo, 3º posto en Prebenxamín.
Tamén acadamos premio na remuda de 8×100 libre, con un 3º posto. Nas remudas de 8×50 promesas e 16×50 intercategorías, que non puntuaban, acadamos tamén o 3º posto.
¡¡Noraboa a tod@s polos éxitos persoais e de equipo!!
