A nadadora do club, Alba Gómez mesías, ven de participar nun Campionato de España Open con gran nivel de marcas e espectáculo, xa que varios nadadores e nadadoras acadaron marcas para asistir ó Campionato do Mundo que se celebrará este verán en Budapest.
A nosa nadadora junior acadou excelentes marcas, logrando nas catro probas posto de finalista e mellorando sempre a marca nas sesións de tarde. Acadou os seguintes postos:
100 braza, 2ª da final C e 12º posto en categoría moza; 200 libre, 4ª da final C e 14º posto en categoría moza; 100 libre, 2ª da final C e 12º posto en categoría moza; 200 braza, 3ª da final B (absoluta) e 5º posto en categoría moza.
Gran campionato no que acadou as súas mellores marcas no estilo de crol. Excelente colofón para esta tempada de inverno, na que acadou moi boas marcas en braza e estilos e dúas medallas de prata no campionato da súa categoría celebrado hai dúas semanas.
Noraboa Alba!!
