Esta fin de semana a nadadora de categoría junior, Paula Otero participou no Campionato territorial de Madrid. Obtivo moi bos resultados, sobre todo tendo en conta o momento de adestramento no que se atopa. Obtivo o primeiro posto nas probas de 200 libre, 400 libre e 200 bolboreta, e o segundo posto en 100 libre.
Foi unha gran experiencia competitiva preparatoria para o Campionato de España Open ó que se enfrenta en menos dun mes. Agora quedan as últimas semanas preparatorias para esa cita tan importante para Paula que terá lugar en Sabadell do 24 ó 28 de marzo.
