Rematou a Fase Preliminar da Copa de Clubs coa celebración da 3ª xornada o pasado sábado en Ourense. O Club Natación Arteixo terá que xogarse a permanencia ou descenso co Club del Mar e co Natación Liceo na Fase Final, que se celebrará o vindeiro 29 de abril.
Os nosos nadadores/as competiron esta fase preliminar con ganas, sen dúbida loitarán na Fase Final para intentar permanecer en División de Honra. No Club Natación Arteixo, as cousas difíciles sempre se converten en retos a superar.
Quédanos un mes para traballar xuntos, mellorar, e demostrar que non somos fáciles de batir.
