Todos os anos por estas datas, un pequeno grupo de nadadores e nadadoras, a maioría do Club Natación Arteixo, percorren a nado os 4 kilómetros que separan a Praia de Reiro ó Porto de Caión. Esta peregrinación comezou a facerse no ano 2006 e coincide coa baixada da Virxen dos Miragres.

Nesta ocasión participaron once deportistas, e as súas brazadas foron en memoria de Romina Cerviño Rabuñal,  gran nadadora que formará para sempre parte do Club Natación Arteixo e que participou nesta especial travesía no ano 2007 (foto arriba).