Mateo García xa está de volta de París, onde viaxou para participar na 3ª etapa da Copa de Europa de Augas Abertas formando parte dunha selección española.
A carreira estaba prevista para realizarse no Sena, pero tivo que ser trasladada a Bassin de la Villette, co mesmo percorrido planificado, 8 voltas de 1250 metros. Mateo acadou o 14º posto con un tempo de 1h:47.35.79, dunha proba moi esixente e con gran nivel competitivo con grandes nomes entre os primeiros clasificados.
Esta era a última cita competitiva de Mateo desta tempada, merecidas vacacións despois de varios anos con competicións que o facían estar a tope durante o mes de agosto.
Noraboa Mateo!!
