Este sábado celébrase en Arteixo a 4ª Xornada de Liga Alevín na Piscina Municipal de Arteixo, nadaranse as seguintes probas: remudas de 4×50 estilos e libre mixtas, 200 libre, 50 bolboreta, 200 costas, 200 estilos e 50 braza. Ó rematar esta xornada faremos unhas probas de exhibición cos máis pequenos do Club e algúns prebenxamíns dos clubs da zona, que nadarán 25 bolboreta, 50 libre e un 50 combinado de 25 costas-25 braza.
Pregamos puntualidade e acudir debidamente uniformad@s. Teremos que ter en conta que haberá cortes de tráfico pola organización do Campionato de España de Trial.
