Estamos a punto de rematar esta tempada 25-26… tod@s? Non, Mateo García e Paula Otero atópanse neste momento adestrando en Sierra Nevada co seu grupo de fondo, preparando os Campionatos de Europa de París, ós que asistirán. deixamos un resumen do seu calendario á espera de poñer as novas cando se acerque o momento.
O primeiro será o Campionato de Augas Abertas, que se celebrará no Río Sena do 4 ó 8 de agosto, Mateo participará nas probas de 10K, 5K e Knock Out; e Paula en 5K e Knock Out. Despois de rematar será o turno da Natación en Piscina, tamén na cidade de París, do 10 ó 16 de agosto, no que o Club Natación Arteixo terá a participación de Paula nas probas de 1500 e 400 libre. Ambos viaxarán co Equipo Nacional Absoluto uns días antes para prepararse para o evento.
Iremos aumentado a info nesta web para que poidades estar atentos/as a estes dous deportistas que serán os encargados de darlle o broche final a esta gran tempada, na que tódolos equipos de base demostraron unha gran mellora e o que nos representa nos absolutos levou ó Club á mellor división de Galicia na Liga de Clubs.
Boas vacacións a tod@s!!
