Están publicadas as convocatorias para as competicións que se celebrarán esta fin de semana, 4ª xornada de Liga Máster e a Fase Final da Liga de Clubs.
A Liga Máster celébrase na lucense piscina de Frigsa en sesión de mañá, o domingo 19. Participan 3 deportistas que nadarán: 50 bolboreta, 50 braza, 100 libre e 200 costas.
A Fase Final, celébrase en Ferrol, na Piscina de Batallones, o sábado 18 en 2 sesións. Organizado polo equipo que encabeza a clasificación, o Marina Ferrol. O Club Natación Arteixo xógase 3 posibilidades: descenso a 2ª, permanencia en 1ª, e no mellor dos casos o ascenso a División de Honra, calquera das 3 posibilidades son posibles debido á calidade dos opoñentes.
Os equipos que participan no noso grupo son: Club Marina Ferrol, Fluvial de Lugo, C.N.Ponteareas, C.N.Portamiñá e C.N.Liceo.
A expedición sairá da Piscina de Arteixo ás 8:00 da mañá. Os acompañantes que queiran apuntarse para ir no autobús e para a comida, teñen que poñerse en contacto coa directiva do club, hai prazas limitadas.
¡¡Sorte e a por todas EQUIPO!!
