Esta fin de semana o Club Natación Arteixo terá presencia en dúas competicións. O sábado en sesión de tarde celébrase a 5ª xornada de Liga Máster na coruñesa piscina de Riazor. Asisten un total de 12 deportistas a nadar probas individuais e remudas masculinas.
Por outra banda, o Equipo Junior e Absoluto farán historia en Lugo, na piscina de Frigsa participando na loita polo Título na Fase Final da Liga Galega de Clubs. Xa estivemos outras veces en División de Honra pero nunca nesta posición de competir entre os tres primeiros equipos clasificados e coa permanencia asegurada. Esta competición será o sábado en sesións de mañán e tarde. Esperamos o mellor dos nosos nadador@s e da nosa “grada”, tan importante neste tipo de eventos.
