Cea Gala 2016

O pasado sábado celebrouse a Cea Anual do Club Natación Arteixo, con un gran éxito de asistencia. Xuntámonos 117 persoas entre deportistas, pais, nais, colaboradores e autoridades. Acompañounos neste importante evento o Ilmo Sr. Alcalde Carlos Calvelo, que no seu discurso destacou a gran evolución do noso club e os éxitos acadados a pasada tempada, sobre todo o ascenso a División de Honra como campión de grupo.

Iniciouse a cea coa visualización dun vídeo realizado por unha das nosas deportistas, resumen da tempada pasada e con moitas ilusións postas no presente e futuro desta para tódalas categorías.

E coma tódolos anos, houbo un sorteo de regalos para deportistas e adultos, coa súa emoción que sempre lle acompaña.

Ademais repartíronse os diplomas e premios aos mellores deportistas da tempada 2014/2015 e ao gañador do concurso da postal de Nadal:

Os premiados foron os seguintes:

Concurso Postal de Nadal, Lola López Leiro
Mellor Nadador Promesa, Mateo García Castro
Mellor Nadadora Promesa, Antía Gómez Taibo
Mellor Nadador, Luis Suárez Costa
Mellor Nadadora, Noelia Gómez López
Mellor Nadador Máster, Javier Mella Barbeito

20160314_premiados
Ademais, recibiron premio conmemorativo, os nadadores/as que asistiron durante a tempada pasada a Campionatos de España: Alba Gómez, Noelia Gómez, Luis Suárez, César Pazos, David Iglesias e Nerea Iglesias. Asimesmo recibiron un detalle as compoñentes do equipo de remudas que acadou a medalla de ouro no Campionato Galego de verán.

¡¡Grazas pola vosa asistencia, e ata a vindeira edición!!