Este sábado 23 de novembro, celébrase a 1ª xornada de Liga Infantil na coruñesa piscina de San Amaro. Será en sesión de tarde e participarán un total de 11 deportistas. As probas que se nadará son: 400 estilos, 50 libre, 100 bolboreta, 200 costas, 1500 libre, 200 braza, 200 libre, 50 costas, 100 estilos e remudas de 4×100 librer masculina e feminina.
Prégase puntualidade e acudir debidamente uniformad@s.
Ánimo e Sorte Equipo!!
Este sábado celebrouse a primeira xornada da Liga Galega Absoluta, na que o Club Natación Arteixo compite unha tempada máis en División de Honra. Destacamos o ánimo co que os nosos nadadores e nadadoras encararon este novo reto, acadando como resultado un 5º posto coa seguinte puntuación: CN. PORTAMIÑA LUGO 302.5, CN. FERROL 295.0, CN. PONTEAREAS 254.0, CN. GALAICO 253.5, CN. ARTEIXO 217.0, C.FLUVIAL LUGO 150.0. Esto só acaba de empezar, e o noso equipo adestrará coas miras postas en mellorar esta puntuación nas vindeiras xornadas. Os nosos deportistas acadaron boas marcas, tanto en probas individuais coma nas remudas.
Noraboa a tod@s!!
Paula Otero, a nosa nadadora que adestra no CAR de Málaga, está convocada con un grupo da Selección Española para participar no Open de Portugal esta vindeira fin de semana. Será en Coimbra dende o 4 ata o 7 de abril e Paula participará en 3 probas, 200, 400 e 1500 libre. A selección consta de sete nadadoras e nove nadadores que viaxarán a Portugal a medirse e coller experiencias competitivas para a gran cita de xuño en Palma de Mallorca, onde se buscará o máximo rendimento para intentar acadar mínimas para os JJOO de París.
Tamén acabamos de saber que Paula estará nunha concentración de Augas Abertas Absoluta con outros nove deportistas. Esta celebrarase en Flagstaff (USA), do 14 ó 29 de abril de 2024.
Esta fin de semana celébrase en Oviedo o Campionato de España de Fondo Máster, será en piscina de 50 metros e durará dende mañán venres 22 ata o domingo 25, e o Club Natación Arteixo terá presencia con Iván Rubio. Iván participará na proba de 3000 o venres pola tarde e no 1500 libre o sábado a mediodía. Podemos coñecer toda a información do campionato e estar atent@s ós resultados no enlace que deixamos a continuación.
Esta só é a primeira nova dunha fin de semana moi movida, seguiremos informando…
Ánimo e Sorte Iván!!
Unha moi pequena representación pero con unha moi boa actuación deportiva é o resumo do Campionato Galego Infantil celebrado esta fin de semana en Pontevedra no que voltamos con boas marcas e unha medalla.
Poñemos á vosa disposición os grupos e horarios para esta tempada 2023/2024, se houbera algún problema podedes comentalo con Luchi ou Laura. Os adestramentos comezan mañán día 6.
Tamén deixamos á vosa disposición os documentos que foron entregados na reunión, estos inclúen o papel de licenza que debe ser entregado no adestramento ou na oficiña antes do día 20 de setembro para que a licenza sexa tramitada correctamente, os precios exactos serán comunicados nos grupos de wasap a finais desta semana.
Os horarios dos grupos 6, 7 e 8 varían un pouco durante o mes de setembro, e xa llos comunica directamente a adestradora e o adestramento dos sábados dará comezo o 7 de outubro.
Benvidos e benvidas a esta nova tempada do noso EQUIPO!!
NOVIDADES
A semana do 17/07 cambian os horarios por peche dunha piscina:
14:45 a 15:45 Junior e Absolutos
15:45-16:45 Infantiles
16:45 a 17:45 Alevíns, G1, G2 e G3
A semana do 24/07 adestraremos na praia
O noso equipo alevín regresou onte de participar no Campionato Galego de verán. Foi en Cervo, en piscina de 50 metros, e asistiron un total de sete nadadore@s, que fixeron moi bo papel, acadando moitas mellores marcas persoais e facendo un bo traballo de grupo.
Esta fin de semana celébrase en Cervo o Campionato Galego Alevín de verán, no que participaremos con un total de sete deportistas, catro nenas e tres nenos, que nadarán un total de catro probas cada un. A competición constará de dúas xornadas, sábado e domingo e dúas sesións de mañán e tarde.
Será en piscina de 50 metros e poderemos estar atent@s ós resultados na páxina do Campionato. A expedición sae para Cervo esta tarde do venres dende a Piscina de Arteixo. Os nadador@s que nos representarán son: Aloia, Daniela, Marta, Martina, Kristofer, Manuel e Mateo.
Ánimo EQUIPO!!
ConvocatoriasWeb do Campionato
Esta fin de semana celébrase en Ourense, na Piscina Rosario Dueñas, de 50 metros, o Campionato Galego Junior e Copa Senior. O Club Natación asiste con un total de 18 deportistas en total, 8 senior e 10 junior que loitarán por deixar o nome do seu club no lugar máis alto posible.
A competición celebrarase en dúas xornadas con sesións de mañán e tarde, sen finais. Teremos presencia nun total de 64 probas individuais e as tres remudas junior femininas. O equipo sae esta tarde do venres para Ourense para adestrar na Piscina de competición. Prégase puntualidade e acudir debidamente uniformados/as.
Poderemos estar ó día dos resultados na seguinte páxina.
ConvocatoriasWeb do Campionato
