O 27 de setembro, terá lugar en Madrid a Gala da Natación Española, na que se premian os méritos a persoas e entidades da tempada 23-24, na que haberá representación do Club Natación Arteixo. No estamento de deportistas recibe medalla ao mérito deportivo, Mateo García Castro, pola medalla de bronce na remuda mixta de 4×1500 no recente Campionato do Mundo Júnior celebrado en Alghero (Italia).
Noaboa Mateo!!
Acércase o final de curso escolar, e este ano celebramos de novo o noso tradicional Campus de Verán «Xoga coa Auga», será a edición número 18. Dende hoxe stá aberto o prazo de inscrición e remata o 11 de xuño, ofertamos un total de 100 prazas.
O pasado sábado celebrouse, a clásica Cea Anual do Club Natación Arteixo, con moi boa participación. Xuntámonos máis de 130 persoas entre deportistas, pais, nais, colaboradores e autoridades. Acompañounos representando ó Concello neste evento, o Ilmo Sr. Alcalde Carlos Calvelo, que fixo un pequeno discurso antes do comezo da cea agradecendo ó Club a presencia que lle da ó Concello de Arteixo en tódolos eventos deportivos nos que participa e desexándonos que sigamos a colleitar éxitos. Acompañando ó Sr. Alcalde estaba Patricia Amado, concelleira de Contratación, Patrimonio, Turismo e Novas Tecnoloxías.
Este sábado día 7 por fin poidemos celebrar a «churrascada» que inicia esta tempada 23-24 en canto a actos sociais do Club Natación Arteixo. Foi atípica, xa que tivemos que mudar o menú debido ás restriccións das autoridades, pero non por iso menos exitosa, xa que a celebración gustou a tódolos asistentes.
Asistimos un total de 117 persoas entre deportistas, pais, nais e outros acompañantes, con moita xente recén incorporada ó CNA e que dende aquí dámoslle a benvida. Os deportistas e algún que outro pai disfrutaron tamén dunha tarde deportiva, entre eso e as charlas, Seixedo tivo a presencia do Club Natación Arteixo ata que empezou a anoitecer.
Agradecemos á Directiva e os colaboradores pola organización, así como a tod@s os asistentes por formar parte deste proxecto deportivo e social que conforma o noso Club.
Acércase o final de curso escolar, e este ano celebramos de novo o noso tradicional Campus de Verán «Xoga coa Auga», será a edición número 17. Está aberto o prazo de inscrición e remata o 12 de xuño, ofertamos un total de 100 prazas.
Paula Otero rematou a súa participación no Circuíto do Mare Nostrum, no que participou como parte do Equipo Nacional Absoluto en dúas das tres competicións do evento.
Nadou un total de sete probas. En Canet o 13 e 14 de maio, cos resultados máis destacados en 800 libre, con un 5º posto, e en 400 libre, finalista e 11º posto. En Canet tamén nadou 100 e 200 libre. En Barcelona, os días 17 e 18 participou en 200 libre e foi finalista en 400 libre e 200 bolboreta, acadando os postos 13º e 14º.
Paula está en pleno ciclo de acumulación de adestramento e traballo duro, sendo moi valorables as súas marcas e postos a nivel internacional neste momento da tempada.
Noraboa Paula!!
O pasado sábado celebrouse, de novo e por fin, a Cea Anual do Club Natación Arteixo, con un gran número de asistentes. Xuntámonos máis de 150 persoas entre deportistas, pais, nais, colaboradores e autoridades. Acompañounos representando ó Concello neste evento, o Ilmo Sr. Alcalde Carlos Calvelo, que inaugurou a cea xunto coa nosa Presidenta Virginia Martínez Blanco. O discurso de Virginia foi sobre todo de agradecemento a todos os pais, nais e deportistas que co seu empeño e continuidade axudaron ó Club Natación Arteixo a seguir adiante nestes anos tan complicados que vimos de vivir.
Por fin regresa o momento, dende o 2020, no que podemos decir que celebramos a Cea Anual do Club Natación Arteixo, dirixida a tódolos compoñentes do CNA e os/as que os queran acompañar. Será o sábado 15 de Abril no Restaurante Bar & Grill 1906. O prazo de entrega da reserva e xustificante de pago remata o día 7 de abril ás 20:00.
Poñemos á vosa disposición toda a información e o boletín de reserva no seguinte enlace:
Este ano o Club Natación Arteixo brillou con intensidade na Gala do Deporte de Arteixo celebrada o venres día 2 de decembro no Pazo dos Deportes. O nome do CNA aparecía nun total de nove nominacións das cales foi gañadora de dúas.
Enlazamos nesta noticia un calendario coas sedes das competicións locais de Ligas Benxamín e Alevín ata o mes de decembro, as dúas primeiras xornadas. O resto das competicións nas que participamos están no Calendario do noso contido de Natación desta Web.
