O Club Natación Arteixo será o mes de marzo no Calendario Deportivo do Concello de Arteixo. A foto que participou no concurso acadou o 10º posto e representará o APOIO.
Na foto da portada, César Pazos recollendo o premio en nome de tod@s, no Centro Tecnolóxico onte pola tarde. Con esta foto queríamos representar a capacidade de animar ós compañeiros/as que ten este equipo.
Noraboa CNA!!
Un total de 175 persoas reuníronse este sábado para celebrar a churrascada que inaugura o calendario de eventos do Club Natación Arteixo nesta tempada 2018/2019. Cada ano aumenta o número de asistentes e a diversión.
A climatoloxía foi estupenda, o que garantizou unha xornada moi agradable, tanto que se alargou ata algo máis que merenda.
Agradecemos a tod@s os que traballando e colaborando fan posible que sexa posible este evento.
Hoxe celebrouse a XII Edición da Travesía a nado Concello de Arteixo – XI Memorial Marina Álvarez, que o noso club organiza no Porto de Suevos, coa colaboración do Concello. O mar estivo tranquilo, con un día calmo e caluroso. A temperatura da auga era de 18,3º, polo que o uso de neopreno foi optativo. Un total de 200 deportistas foron os que disputaron as diferentes categorías e distancias da proba. Por primeira vez os participantes do percorrido de 2500, pertencente ó Circuíto Galego de Augas Abertas, superou ó resto das distancias. Os campións absolutos da distancia de 2500 metros foron Miguel Martínez e Lucía Cal, ambos do RCN de Vigo.
Un ano máis estamos cerca dunha nova edición da xa tradicional Travesía de Suevos, Memorial Marina Álvarez. Será a duodécima edición, e un ano máis formará parte do Circuíto Galego de Augas Abertas co percorrido de 2500 metros, mantendo tamén os percorridos máis populares de 800 e 200 metros.
Hoxe rematou o XIII Campus de Natación organizado polo Club Natación Arteixo, con un gran éxito de participación, máis de 80 nenos e nenas de entre 6 e 16 anos realizando numerosas actividades durante unha semana.
Como xa é habitual rematamos o Campus dándolles o agasallo dunha camiseta conmemorativa a tódolos participantes no Pazo dos Deportes, e pasando o día no parque Acuático de Cerceda. A esta entrega asistiron membros da Directiva do noso Club e Don Miguel González Cal, Técnico de Deportes do Concello de Arteixo.
Esperamos que todos e todas disfrutarades deste Campus e esperamos contar con vos en vindeiras edicións.
Ata pronto!!
O Club gañador do XIX Encontro de Natación Concello de Arteixo, celebrado o domingo pola mañá na piscina municipal, foi o Club Natación Sarval Arteixo con un total de 470 puntos, seguido do Club Natación Coruña e o Club Natación Ferrol.
Este domingo día 10 de xuño celébrase na Piscina Municipal de Arteixo a décimo novena edición do Encontro de Natación, organizado polo Club Natación Sarval Arteixo coa colaboración do Servizo Municipal do Concello de Arteixo e BeOne Arteixo.
Acércase o final de curso escolar, e con el, como ven sendo habitual o Club Natación Arteixo organiza o unha nova edición, e xa van 13, do Campus de Verán “Xoga coa Auga”. O prazo de inscrición ábrese hoxe 1 de xuño, con 100 prazas ofertadas.
Mañán sábado o club organiza unha charla sobre planificación e organización dos estudios será impartida por Cinthia, psicóloga e exnadadora. Esta charla está dirixida ós nosos deportistas de grupos alevín, infantil e junior. Será no Ximnasio do campo de fútbol ás 10:45.
O pasado sábado celebrouse a Cea Anual do Club Natación Arteixo, con un récord de asistencia. Xuntámonos 177 persoas entre deportistas, pais, nais, colaboradores e autoridades. Acompañáronos representando ó Concello neste evento, Josefina Zas, concelleira de Maiores, e o Ilmo Sr. Alcalde Carlos Calvelo, que adicou unhas palabras acompañado pola Presidenta Virginia Martínez Blanco ós asistentes.
