Horarios Verán

A partir do 1 de xullo mudan os horarios para tentar compaxinar adestramenntos e vida veraniega, este horarios serán válidos ata o 19 de xullo, despois faremos unha revisión debido ó peche dun dos vasos da piscina:

GRUPO DE MAIORES: TÓDOLOS DÍAS DE 10:00 A 12:00, SECO MARTES E XOVES DE 12:00 A 13:00

GRUPO DE INFANTÍS QUE ADESTRABAN POLA NOITE: TÓDOLOS DÍAS DE 12:00 A 13:30

GRUPOS 4, 5 E 6: DE LUNS A XOVES DE 15:00 A 16:00 (poden vir os días que queiran)

GRUPOS 1, 2 E 3 DE LUNS A XOVES DE 16:00 A 17:00 (poden vir os días que queiran)

A tempada de adestramentos finalizará o domingo 1 de agosto coa celebración da Travesía de Suevos

Horarios de Semana Santa

Acércase o período de Semana Santa. Cambiaremos os horarios de adestramento, para adaptalos ás vacacións escolares.

BENXAMÍNS E ESCOLAS: Terán vacacións, dende o luns 29/03 ó domingo 04/04 ambos incluídos.

ALEVÍNS: Días 29, 30 e 31/03 de 16:00 a 17:30, sábado 3 no horario habitual.

INFANTÍS, JUNIOR E ABSOLUTOS: Adestrarán en dous grupos:

     GRUPO 8: Días 29, 30 e 31/03 de 11:15 a 13:30, 1/03 10:30 a 12:45 , 2/03 festivo, sábado 3 no horario habitual.

     GRUPO 7: Días 29, 30 e 31/03 de 13:15 a 15:15, 1/03 e 2/03 festivos, sábado 3 no horario habitual.

Horarios de Nadal

Están cerca as vacacións de Nadal, e os horarios do Club Natación Arteixo cambiarán un pouco. Os máis pequenos e as escolas terán vacacións do 23 ó 4. O resto dos equipos, adaptarán ós seus horarios.

Horarios

A imaxe que adorna esta noticia é a Postal Oficial do Club, de Jázmin Rubio Pardo , nadadora de categoría Alevín e gañadora do Concurso de Postais 2020. Dende aquí queremos aproveitar a ocasión para desexarvos un Bo Nadal a todos os compoñentes e amig@s do Club Natación Arteixo.

Paula en Sierra Nevada

A nosa nadadora Paula Otero foi seleccionada co Equipo Nacional Absoluto (ENA) para participar nunha concentración en Altura. Esta concentración terá lugar no CAR de Sierra Nevada, en Granada, e durará dende este domingo 25 de outubro ata o 19 de novembro, data na que da comezo o Campionato de España de Inverno en Castellón.

A esta cita de adestramento están convocados un total de 16 deportistas, 8 chicas e 8 chicos, equipo do que Paula será a máis xoven. Esta concentración será supervisada por Sean Kelly, Director Nacional de Rendimento da Rfen. Entre o grupo de adestradores convocados está tamén Luisa Domínguez, adestradora do CGTD de Pontevedra.

Noraboa Paula!!

Convocatoria

HORARIOS E GRUPOS

Xa están publicados os horarios e grupos de adestramento que comezarán o luns día 21 de setembro. Estes horarios e grupos sempre poderían cambiar dependendo de como sexa o avance dos acontecementos que marcan o momento que vivimos.

Ante todo, queremos agradecer a paciencia demostrada na espera da organización dos novos grupos para o actual cambio de adestramentos. Xa estamos inmersos na nova tempada, a situación é moi complicada en canto a aforos e seguridade das actividades deportivas. O noso deber como Club do Concello é seguir, dentro do posible coa nosa actividade, pero tratando de minimizar os riscos da Piscina Municipal de Arteixo. Por isto, en cooperación co funcionamento da empresa concesonaria BeOne e outros  clubs, decidimos que os nosos deportistas entren e saian da instalación por diferente sitio e se cambien nas gradas. Para isto é aconsellable que os nenos/as veñan cambiados de casa e que intenten ter un poncho para facilitar a labor na saída.

Temos prevista unha reunión vía zoom, na que as adestradoras explicarán máis a fondo o funcionamento das novas normas, mandaremos ós grupos o enlace, pregamos a asistencia de todos os pais e nais. É moi importante para o Club que esteades informados/as e que colaboremos todos remando no mesmo sentido.

Se alguén ten algún problema con algún horario pode poñerse en contacto con Luchi ou Sara.

Horarios e Grupos 2021

Vacacións CNA

Como xa adiantamos, as vacacións desta tempada serán máis cortas das habituais para que os nadadores/as non perdan o nivel alcanzado nestas semanas nas que poidemos retomar a actividade. Aproveitaremos o peche do vaso grande da Piscina Municipal para facer ese descanso. Pararemos mañán sábado día 1 de agosto e retomaremos a actividade cos horarios e grupos destas últimas semanas, o xoves día 20. É moi importante que os deportistas se manteñan nestos días o máis activos posible.

Boas vacacións a tod@s!!

HORARIOS E GRUPOS

Dende mañán luns contamos con máis espazo para os nosos adestramentos na Piscina Municipal de Arteixo, polo que publicamos novos horarios e grupos. Se tendes algunha dúbida ou problema cos mesmos podedes contactar coas adestradoras.

É moi importante seguir garantizando as medidas de hixiene e distanciamento aconselladas polas Autoridades. Cando os nadadores/as cheguen á instalación deben de dar o seu nome en recepción e pasar o menor tempo posible nos vestuarios, tanto á entrada como á saída.

Graciñas pola vosa paciencia e compromiso co Club Natación Arteixo.

Horarios e Grupos

Á AUGA CNA

Por fin reanudamos a nosa actividade en piscina. Temos que facelo en horarios e grupos moi reducidos, xa que a instalación reabre para tod@s e esta situación require cautela e responsabilidade. Esto irá aumentando a medida que se poda aumentar espacio se todo vai ben. Por eso é moi importante que leades ben a circular enlazada nesta nova na que atoparedes as normas, os horarios e os grupos desta primeira semana.

Temos que ir a pouquiños… empezamos, e de aquí iremos a máis e a mellor.

Semana 1
 

Adestramento Presenciais

Ante todo, esperamos que todas as familias que compoñen este Club estean ben de saúde e ánimo.

O avance nas fases de desescalada permítennos empezar a realizar adestramentos presenciais en seco. Para a piscina teremos que esperar un pouco máis. No enlace quedan á vosa disposición os grupos e horarios, empezaremos en Rañal á espera da apertura das instalacións municipais.

Prégase a tódolos nadadores e nadadoras que no momento de chegada ó adestramento o fagan con mascarilla, as adestradoras encargaranse de proporcionar material para a limpieza de mans ó comezo e final do adestramento. Tamén é importante a asistencia con roupa e calzado deportivo.

Horarios e Grupos
 

Horarios de Nadal

Están cerca as vacacións de Nadal, e os horarios do Club Natación Arteixo cambiarán un pouco. Os máis pequenos terán unha semana de vacacións. O resto dos equipos, adaptarán ós seus horarios.

Horarios

A imaxe que adorna esta noticia é a Postal Oficial do Club, de Carla Díaz García, nadadora de categoría Alevín e gañadora do Concurso de Postais 2019.

Dende aquí queremos aproveitar a ocasión para desexarvos un Bo Nadal a todos os compoñentes e amigos do Club Natación Arteixo.

Ler máis