Esta fin de semana celebrouse en Ourense o Campionato Galego de verán no que por primeira vez en varios anos xuntáronse tres categorías, Infantil, Junior e Absoluta. O Club Natación Arteixo, con un total de 22 participantes acadou moi bos resultados tanto individuais coma de clasificación por equipos. Destacamos nesta portada o 3º posto feminino absoluto, 2º masculino junior, o 3º conxunto junior e as 18 medallas acadadas (12 individuais e 6 en remudas).
Neste evento participaron nada máis e nada menos que 403 nadadores e nadadoras de toda Galicia, 24 clubs en total loitando por colarse entre os primeiros postos das clasificacións. O noso equipo estaba composto por 5 infantís, 9 junior e 8 absolutos (categoría na que tamén puntúan nadador@s das anteriores). Gracias á magnifica actuación de todos eles e por suposto os impresionantes resultados das remudas, o noso club conseguiu acadar moi bos postos a nivel de clasificación por equipos, sobre todo nas categorías absoluta e junior:
As remudas femininas de categoría absoluta e as masculinas de categoría junior, sen dúbida, foron o mellor do campionato en canto a traballo de equipo. As nenas subiron ó podio en tódalas remudas nas que participaron: acadaron 1 ouro en 4×50 libre, 2 pratas en 4×100 libre e 4×100 estilos, e 2 bronces en 4×200 libre e 4×50 estilos. O equipo masculino junior, que participou en 3 remudas, acadou 1 bronce en 4×200 libre e dous cuartos postos en 4×100 libre e 4×100 estilos, postos moi ben loitados e moi cercanos a medallas. As remudas de 4×50 masculinas, nadadas por nadadores de categoría junior, acadaron o 9º poso en estilos e o 11º en libre.
|
MASCULINA |
FEMININA |
CONXUNTA |
|
|
INFANTIL |
10º |
17º |
15º |
|
JUNIOR |
2º |
7º |
3º |
|
ABSOLUTA |
13º |
3º |
7º |
Non nos esquecemos dos infantís, que con un equipo moi reducido fixo tamén moi bo traballo, acadando bastantes mellores marcas a nivel individual, e o posto 11º en todas as remudas nas tres nas que participaron.
A nivel individual, acadáronse un total de 12 medallas, 7 en categoría absoluta: 1 ouro, 2 pratas e 4 bronces (Alba, Noelia e Virginia); e 5 en categoría junior: 1 ouro, 3 pratas, e 1 bronce (Alba, Martín e César).
O nivel de marcas tanto en probas individuais como en remudas foi moi bo, con varios récords de club batidos e unha nova mínima para asistir ó Campionato de España Junior, por parte de Xián Prego, na proba de 200 estilos, con un tempo de 2.16.98.
Este equipo chegou ó campionato con ganas de competir xuntos, aínda co sabor de boca do éxito da Copa de Clubs, e conseguiuno, cada vez que un gorro verde se preparaba para nadar tiña o ánimo dos seus compañeiros e compañeiras.
Noraboa EQUIPO!!
