Mateo García e Paula Otero xa están en Grecia, na Illa de Corfú, para participar no Campionato de Europa Junior de Augas Abertas. O evento dará comezo o venres 29 de setembro e rematará o domingo 1 de outubro.
Mateo participará na proba de 10K o sábado ás 9:00, e o domingo ás 11:00 (hora española) celebrarase a remuda de 4×1250, proba estrella do Campionato e histórica para o Natación Arteixo, xa que dos catro compoñentes da remuda da selección española, dous son do noso Club. Nadarán xunto a Carlos Garach e Ángela Martínez, formando un equipo moi competitivo.
Poderemos seguir as carreiras en directo e ver toda a información nos enlaces que deixamos nesta nova.
Ánimo e Sorte Mateo e Paula!!
