Mañán día 20 de xullo comeza o Campionato de España Junior e Absoluto, e o Club Natación Arteixo asiste con 4 deportistas, Alba, Paula, Mateo e Miguel. O Campionato celébrase en Sabadell e durará ata o domingo 24.
A competición contará con eliminatorias e finais, e o Arteixo estará presente nun total de 12 probas individuais. Alba nadará 50 bolboreta, 100, 200 e 400 libre; Mateo 100, 200, 400, 800 e 1500 libre; Miguel 200 braza. Paula participará só en 1500 e 400 libre, xa que o venres pola noite sae para Serra Nevada para participar coa Selección Española na concentración previa ó Campionato de Europa Absoluto que se celebra en Roma no mes de agosto.
Poderemos seguir a competición en directo vía streaming e consultando a web dos resultados.
Ánimo e sorte!!
