A nadadora do Club Natación Sarval Arteixo, Alba Gómez Mesías, sae hoxe para Terrasa para participar no Campionato de España de categoría junior e que durará dende o sábado 27 ata o martes 1. Nadará un total de cinco probas repartidas nos catro días que durará este evento.
Alba acadou as mínimas para asistir a este campionato durante a pasada tempada, mellorando esas marcas nas últimas competicións importantes nas que participou. Estréase o sábado co 400 estilos, o domingo nadará 200 braza, o luns participa en 2 probas, 200 libre e 100 braza, e finalmente o martes en 200 estilos.
Esta competición será en piscina de 50 metros e constará de eliminatorias en sesión de mañá e finais en sesión de tarde.
¡¡Viaxa a Terrasa con Alba todo o ánimo do seu Club!!
