A partir de mañán día 25 celébrase o Campionato de España Absoluto en piscina de 25 metros en Palma de Mallorca. Durará ata o domingo día 28 e constará de sesións eliminatorias polas mañáns e finais pola tarde.
O noso Club acude con dous deportistas, Paula Otero, que está inscrita nada máis e nada menos que en seis probas, 100, 200, 400, 800 libre, 200 bolboreta e 200 estilos; e Miguel Ángel Gómez, que nadará a proba de 200 braza.
Esta competición é a primeira cita importante a nivel nacional, a plataforma de saída para tódalas competicións que máis adiante se celebrarán en piscina de 50 metros. Será retransmitida por streaming, aínda que esta vez cun pequeno coste económico. Deixamos o enlace para poder seguir a competición en streaming e resultados ó final desta noticia.
Ánimo e sorte Paula e Miguel!!
