Churrascada 2018

Un total de 175 persoas reuníronse este sábado para celebrar a churrascada que inaugura o calendario de eventos do Club Natación Arteixo nesta tempada 2018/2019. Cada ano aumenta o número de asistentes e a diversión.

A climatoloxía foi estupenda, o que garantizou unha xornada moi agradable, tanto que se alargou ata algo máis que merenda.

Agradecemos a tod@s os que traballando e colaborando fan posible que sexa posible este evento.

Video

 

Horarios e Grupos de Adestramento 18/19

Poñemos á vosa disposición os grupos e horarios para esta tempada 2018/2019, se houbera algún problema podedes comentalo con Luchi ou Sara.

Os adestramentos comezan mañán venres día 7. O grupo de alevíns e o de maiores adestrarán mañán na praia, sairemos da piscina ás 18:00.

Horarios e Grupos

Churrascada 2018

O vindeiro sábado día 15, O Club Natación Arteixo organiza unha churrascada na área recreativa de Seixedo para celebrar todos xuntos o inicio desta nova tempada 2018/2019.

Poderán asistir os nadadores/as, acompañados dos seus pais e de todo familiar que desexe acudir a esta celebración. Confirmade a vosa asistencia na oficina do club ou por correo electrónico: info@natacionarteixo.com . As adestradoras teñen as follas de inscrición, e tamén no enlace que acompaña a esta noticia.

O custo da comida será de 7 euros para adultos e de 5 euros para menores de 12 anos, que se abonarán na oficina do club ou o día da comida.

Esperamos a vosa asitencia!!

Circular

Tempada 2018/2019

Estamos en setembro e está a punto de rematar o período de descanso do noso equipo. Empezamos a tempada 2018/2019, que esperemos veña cargada de novos éxitos para o Club Natación Sarval Arteixo. 

Empezamos coma sempre cunha reunión de nadadores/as e adestradoras para inaugurar a tempada, falar de horarios e obxectivos. Esta terá lugar o xoves día 6 de setembro no ximnasio do IES Manuel Murguía (enfronte da Piscina Municipal) en dúas convocatorias:

Ás 19:00 para os grupos de escola, benxamíns, alevíns e infantís dese grupo

Ás 20:00 para o grupo de maiores (como estaba a tempada pasada)

Disfrutade deste final de vacacións!!

XII Travesía de Suevos

Hoxe celebrouse a XII Edición da Travesía a nado Concello de Arteixo – XI Memorial Marina Álvarez, que o noso club organiza no Porto de Suevos, coa colaboración do Concello. O mar estivo tranquilo, con un día calmo e caluroso. A temperatura da auga era de 18,3º,  polo que o uso de neopreno foi optativo. Un total de 200 deportistas foron os que disputaron as diferentes categorías e distancias da proba. Por primeira vez os participantes do percorrido de 2500, pertencente ó Circuíto Galego de Augas Abertas, superou ó resto das distancias. Os campións absolutos da distancia de 2500 metros foron Miguel Martínez e Lucía Cal, ambos do RCN de Vigo.

Ler máis

XII Travesía de Suevos

Un ano máis estamos cerca dunha nova edición da xa tradicional Travesía de Suevos, Memorial Marina Álvarez. Será a duodécima edición, e un ano máis formará parte do Circuíto Galego de Augas Abertas co percorrido de 2500 metros, mantendo tamén os percorridos máis populares de 800 e 200 metros.

Ler máis

Horarios Tempada 2018/2019

Temos previsto algún cambio de horario cara a tempada que ven. Actualizámolos nesta web para que as familias teñades oportunidade de organizarvos. Os cambios afectarán ós equipos benxamín e alevín. Tamén aumentaremos un grupo de escola en horario de martes e xoves, que tamén aparece na táboa referente ós grupos de escola.

Horarios

Resultados Campionato Infantil

Hoxe remata a tempada de competicións en piscina para o Club Natación Arteixo co regreso a casa de Nerea Iglesias Muíño.

Nerea ven de participar no Campionato de España Infantil en Madrid, nas magníficas instalacións do Mundial 86. Nadou a proba de 200 estilos, proba que nadou atrevida, con dous primeiros parciais moi rápidos e acadando finalmente o posto 29º.

Esta nadadora, recentemente medallista no Campionato Galego da súa categoría, fixo unha gran tempada e este foi un bo colofón que sen dúbida servirá de plataforma de saída para a vindeira, na que o CNA volverá a competir en 1ª División e na que Nerea seguirá aportando o seu traballo diario e os seus éxitos a este gran Equipo.

Noraboa Nerea!!

Resultados

Campionato de España Infantil

Para rematar a tempada de campionatos en piscina, teremos a Nerea Iglesias representando ó Club Natación Arteixo no Campionato de España Infantil de verán, que se celebra dende hoxe ata o domingo en Madrid, na Piscina M86.

A nosa nadadora de 15 anos participará o sábado na proba de 200 estilos. Esta nena leva unha gran tempada competindo duro e a moi bo nivel tanto na copa coma nos campionatos galegos, nadando varias veces moi cerca de acadar máis mínimas. O premio do nacional chegou da man do 200 estilos, proba na que sen dúbida disfrutará de competir sen presión.

Podemos estar atentas/os ós resultados na páxina da RFEN.

Sorte e a disfrutar!!

Web do Campionato

Campionato de España Alevín

Esta fin de semana, a nosa nadadora de categoría alevín, Antía Gómez Taibo, participou no seu primeiro Campionato de España. Foi na Piscina de Sabadell, en Cataluña.

Ler máis

Ver máis...